रास्वपाको सांसद हरि ढकालले मुलुकको प्रमुख प्रशासनिक निकाय सिंहदरबारको नाम परिवर्तन गर्न प्रस्ताव गरेका छन् । संघीय संसद अन्र्तगतको राज्य व्यवस्था तथा सुशासन समितिका सभापति समेत रहेका ढकालले नेपालमा सिंह नभएकाले सिंहदरबार नाम राख्न नउपयुक्त भएको उनले बताएका हुन ।
उनले सिंहदरबारको नाम अनामनगर दरबार राखिनुपर्ने प्रस्ताव गरे । उनले अगाडि भनेका छन्, हामीसँग सिंह नै छैन, त्यसको नाम चाहिँ सिंहदरबार नै छ । र त्यसको केही हाउभाउ, भावभङ्गीहरु त्यो भाषा जस्तै छ । त्यो चिर्न पर्ने छ । परिवर्तन पछाडि दुनियाँ ठाउँको नाम परिवर्तन गर्दैगर्दा त्यसलाई ‘अनामनगर दरबार’ राख्दिएको भए हुन्थ्यो होला ।
बिज्ञापन
सांसद ढकालले नाममात्र नभई सिंहदरबारको कार्यशैली र हाउभाउमा समेत सुधारको आवश्यकता रहेको औंल्याए। प्रशासनिक केन्द्रको संरचना र भाषामा विद्यमान परम्परागत शैलीलाई चिर्नुपर्नेमा उनको जोड छ।
यसैबीच राप्रपाका प्रवक्ता मोहन श्रेष्ठले ढकालको यो अभिव्यक्तिप्रति आक्रोश प्रकट गरेका छन् । उनले सांसद ढकाललाई उपबुज्रुकको संज्ञा दिँदै लेखेका छन्,एक उपबुज्रुकले हामीसँग सिंह नै छैन, सिंहदरबार किन राख्ने भनेर सिंहदरबारको नाम फेर्नुपर्ने भनेछन् ? जसको मनमा हरि नै छैन उसको नाम चॅाहि हरि ! गोबर नाम राखे हुन्न ?’
